မချစ်ပါ မမုန်းပါ

မချစ်ပါ မမုန်းပါ

•••••••

မျက်စိ နား နှာ လျှာ ကိုယ် စိတ် ,

အာရုံ ဒွါရ တွေ့ဆုံခိုက် မှာ,

အာရုံက လိုက်သွားတဲ့အခါ ,

သဘောကျပြန်တော့ ပြုံးပြန်ပြုံးပြန် ,

သဘောမကျတော့ မုန်းပြန်မုန်းပြန် ,

ပြုံးပြန် - မုန်းပြန် , မုန်းပြန် - ပြုံးပြန် ,

မနောပေါက်က တွေးလိြုံ့ကံ ။

တွေးကြံသမျှ စိတ်ဒုက္ခ ,

ပြုံးလည်း ပျက်ရ မုန်းလည်း ပျက်ရ ,

အစိုးမရ ,

တရားအားလုံး အနတ္တ ။

မတွေးမကြံက လွတ်မြောက်နေတာ ,

လွတ်မြောက်ရာ အမှန်သိကြမှ ,

သန္တိသုခ အေးနိဗ္ဗာန် မြန်းရဧကန် ။

မျက်စိ နား နှာ လျှာ ကိုယ် စိတ် ,

အာရုံခြောက်ပါး ရှိငြားသော်လည်း ,

မြင်တာတွေက

တိုးလည်းမသွား လျော့လည်းမသွား ,

ကြားစရာ နံစရာ ဆိုတာကလည်း ,

လျော့နဲ တွန့်ဆုတ် မရှိပါ ။

မြင် ကြား နံ စား ထိ သိသော်လည်း

ချစ်ခြင်း မုန်းခြင်း သာယာခြင်း တွေမှ လွတ်လျက်ပါ ။

ဒါကြောင့် ...

မြင်မြင်တိုင်းလည်း မချစ်ပါ ,

မြင်မြင်တိုင်းလည်း မမုန်းပါ ,

ချစ် - မုန်း မဖက် အလွတ်သက်သက် မြင်တာပါ ။

မြင်တာက သဘာဝ ,

အာသဝအာရုံတွေ ကင်းလွတ်နေတော့တာ ။

ကင်းလွတ်တာကို သိတော့မှ

နိဿရဏ လို့ ခေါ်နိုင်တာ ,

ဒီတော့ကာမှ

ဝိမုတ္တိစခန်း လွတ်ရာရောက်တော့တာ ။

လွတ်ရာသိ လွတ်ရာမြင်လျှင်

ဝဋ်သံသရာ ရှည်ဘူးကွဲ့လေး ။

အေးရာသိ အေးရာမြင်လျှင်

ဘယ်လောဘ ဘယ်ဒေါသ ဘယ်သောက ဆိုတဲ့

ဘေးဘယာတွေ လာဘူးကွယ့်လေး ။

ငြိမ်းရာသိ ငြိမ်းရာမြင်လျှင်

ကိန်းအမတာပြည် စံရပြီကွယ့်လေး ။

ချုပ်ရာသိ ချုပ်ရာမြင်လျှင်

ထို့ထက်အလွန်

လုပ်စရာတောင် ရှိဘူးကွယ့်လေး .... ။

ဒကာကြီး မြွေပွေးများ ကိုင်ရဲလား ။

(မကိုင်ရဲပါဘုရား) ။

ဘာဖြစ်လို့တုန်း ။

(ကိုက်မှာ စိုးလို့ပါ) ။

ကိုက်ရင် ဘာဖြစ်လို့တုန်း ။

(ကိုက်ရင် သေတတ်ပါတယ်ဘုရား) ။

သြော် ကိုက်ရင်သေတတ်တယ်လား ။

ကိုက်ရင် သေတတ်တယ်ဆိုတာ

သေသေချာချာ သိတာလား ။

(သေသေချာချာ သိတာပါဘုရား) ။

သြော် မြွေပွေးကိုက်ရင် သေတတ်တယ် ။

ဒါဖြင့်ရင် ဒကာကြီး

ကိုက်ပြီးလို့ သေပြီးမှ သိတာလား ။

မကိုက်ခင်ကတည်းက သိတာလား ။

(မကိုက်ခင်ကတည်းက သိတာပါဘုရား) ။

အေး - ဟုတ်တယ် ။

ကဲ - ကိုက်ပြီးမှ သိရမယ် ဆိုရင် ကိုင်လေ ။

ကိုင်ရင်ကိုက်မယ် , ကိုက်ရင် သေလေ , မသာဖြစ်ပြီ ။

အဲသလို

ဖြစ်ပြီးမှ သိတာလား ,

မကိုင်ခင်ကတည်းက ကြိုတင်မသိဘူးလား ။

ကြိုတင်သိထားတဲ့အတွက် သွားမကိုင်လို့

ဘေးကင်းရာ ရောက်နေကြသည် ။

အခုလဲ အဲဒီလိုပါပဲ ။

မြင်ရာ ကြားရာ နံရာ စားရာ ထိသိရာမှာ

ကိုယ်က ကြိုက် - မကြိုက် , လို - မလို ပြုမပေးတော့ ,

မတွေး မကြံပေးတော့ , ကိလေသာခေါ်တဲ့ လောဘ

ဒေါသစိတ် ဘေးဒုက္ခတရားတွေ အဖြစ်ငြိမ်းနေသည် ။

မဖြစ်သေးဘူး , ဖြစ်ပေါ်မလာသေးပါဘူး ။

လောဘ ဒေါသ မောဟတွေဟာ

ပြုပေးမှ ဖြစ်လာတယ်လို့ ကြိုတင်၍ သိကြစမ်းပါ ။

ပြုမပေးခင်က အဖြစ်အေးနေတာ မြင်အောင်ကြည့်ပါ ။

အဲဒါ သမ္မာဒိဋ္ဌိဥာဏ် လို့ ခေါ်ပါတယ် ။

အခုတော့ ဒီလိုမဟုတ်ဘူး ။

ဖြစ်ပြီးမှ သိရမယ်ဆိုတော့

သူခိုးပြေးမှ ဓါးရေးပြ ,

မိုးလွန်မှထွန်ချ ,

လူမိုက် နောက်မှ အကြံရ ဆိုတော့

သမ္မာဒိဋ္ဌိဥာဏ်က နောက်ကျနေပြီ ။

သူခိုးပြေးမှ ဓါးရေးပြတော့ ဘယ့်နှယ်လုပ်ရမှာတုန်း ။

မိုးလွန်မှ ထွန်ချတော့ ကောက်ပဲသီးနှံ ရပါ့မလား ။

အခုတော့ ဖြစ်လာမှ သိရမယ်ဆိုတော့ ဟုတ်ပါ့မလား ။

မြွေပွေးကိုင်ရင် ကိုက်တတ်တယ်ဆိုတာ

မကိုင်ခင်က သိတာပါ ။

မြွေပွေးကိုက်ရင် သေတယ်ဆိုတာ

လက်တွေ့မှ ယုံမယ်ဆိုရင် ကိုင်ကြည့်ပါ ။

အဆိပ်သောက်ရင် သေတယ်ဆိုတာ

လက်တွေ့မှ ယုံမယ်ဆိုရင် သောက်ကြည့်ပါ ။

သေပြီးမှ သိမှာလား ။ မသာဖြစ်ပြီးမှ သိမှာလား ။

မသာဖြစ်မှတော့ မြေကြီးထဲရောက်ပြီ မသိနိုင်တော့ဘူး ။

အဲဒါကြောင့် ကြိုတင်ပြီး သိရမှာပါ ။

အဲဒါမို့လို့

လောဘ ဒေါသ မောဟတွေ

အာရုံနောက် တကောက်ကောက်လိုက်ရင် ဖြစ်မယ် ။

ဖြစ်ရင်ပျက်တယ် သိလို့ အဖြစ်အပျက်ကင်းရာနှင့်

နေသည် ။

ဒါကြောင့် နဂိုအေးနဲ့ အပိုတွေ မတွေးပဲ နေရသည် ။

အဲဒါမှ ကိုယ်လည်းအေး , စိတ်လည်းအေး

အအေးကြီး အေးနိုင်ကြပါမည် ။

အဲဒါကြောင့် တရားချစ်ခင် သူတော်စင်အပေါင်းတို့သည်

ဝိမုတ္တိခေါ်တဲ့ လွတ်ရာကိုမြင် လွတ်ရာကိုနား ,

အေးရာကိုမြင် အေးရာကိုနား ,

အေးတရားကို အခါခါပွားပြီးလျှင် ,

မအေးအောင် ရှေးဟောင်းနှောင်းဖြစ် သောင်းပြောင်း

ထွေလာ ကြံစည်တွေးတောဖြစ်ရတဲ့

ကိလေသာခေါ် လောဘစိတ် ဒေါသစိတ်

ဘေးဒုက္ခတရားတွေကို ,

အေးရာကို မြင်ပြီး အေးတံခါးကြီး အသိဥာဏ်နဲ့

လုံအောင်ပိတ်ခါ တားတားပြီး

အေးနိဗ္ဗာန်အရှိတရားကို

အေးမဂ်ဥာဏ်အသိတရားဖြင့်

အေးသလိုနားကာ

အအေးကြီးအေးပြီး အေးနိုင်ငြိမ်းနိုင်ကြပါစေ ။

ကျောက်ဆည်မြို့ ရွှေသာလျောင်းတောင်တော်,

ငြိမ်းချမ်းရေးကျောင်းတိုက် ,

ဓာတ်တော်ကြွင်းတော်မူသော ,

ငြိမ်းချမ်းရေးဆရာတော်ဘုရားကြီး ဘဒ္ဒန္တဝိသုဒ္ဓ

အရှင်သူမြတ် ဟောကြားတော်မူသော

"ဝိမုတ္တိတရားတော်" မှ ကူးယူ ပူဇော်ပါသည် ။

credit : ko kyi soe acc

#တရား

©©©©©©©©©©©©©©©

#ကောင်းကျိူးလိုရာပြည့်ကြပါစေ