😮နေခြင်းမမြဲ၊ သေခြင်းမြဲ
😮
+++++++++++++++++++++++
နေရပ်က ဘယ်သူမှ မသေချာပေမယ့်
အနေရပ်ကတော့ လူတိုင်း သေချာပါတယ်။
အနေရပ်ဆိုတာ သေတာကို ပြောတာပါ။
သေတယ်ဆိုတာ အနေရပ်သွားတာပဲလေ။
ဆက်တိုက်ဆက်တိုက် နေနေရာကနေ
အနေရပ်သွားတာပဲလေ။
ဆက်တိုက်ဆက်တိုက် နေနေရာကနေ
ဆက်မနေရတော့ဘဲ အနေရပ်သွားတာကိုပဲ
သေတယ်လို့ ခေါ်တာပါ။
သေတယ်ဆိုတာ ဘာမှ အထူးအဆန်း မဟုတ်ပါဘူး။
မနေရတော့တာကိုပဲ သေတယ်လို့ ခေါ်တာပါ။
သေတာကိုပဲ အသက်ရှူရပ်သွားတယ်လို့ ပြောကြသလိုမျိုး
အနေရပ်သွားတယ်လို့လည်း ပြောလို့ရပါတယ်။
လူတိုင်းလူတိုင်း တစ်နေ့နေ့ တစ်ချိန်ချိန်မှာ
အနေရပ်သွားမှာကတော့ သေချာတယ်နော်။
“နေခြင်းမမြဲ၊ သေခြင်းမြဲ” ဆိုတာလိုပဲ
နေရပ်မသေချာပေမယ့်
အနေရပ်သေချာပါတယ်။
ဒါလေးကိုလည်း သံဝေဂအဖြစ်နဲ့
အမြဲသတိရပါ။
စိတ်ဓာတ်အင်အား ဖြစ်စေပါတယ်။
စိတ်ခွန်အား တိုးပွားစေပါတယ်။
အလုပ်များများလုပ်ဖို့
တွန်းအားကောင်းကောင်း ရစေပါတယ်။
သေခြင်းတရားကို
သတိရတဲ့အလုပ်ဟာ
စိတ်ဓာတ်ကျစေတဲ့အလုပ် မဟုတ်ပါဘူး၊
စိတ်ဓာတ်တက်စေတဲ့ အလုပ်ပါ။
အလုပ်နှေးတဲ့အလုပ် မဟုတ်ပါဘူး၊
အလုပ်သွက်စေတဲ့ အလုပ်ပါ။
ဆရာတော် အရှင်ဆန္ဒာဓိက (ရွှေပါရမီတောရ)
(အသေလှတဲ့သူ စာအုပ်မှ)
www.bwar99.blogspot.com
No comments:
Post a Comment